91 яшьтә булса да

Районыбызда Өлкәннәр ункөнлеге уңаеннан оештырылган чаралар дәвам итә. Мәсәлән, гимназиядә Саба мәктәбен 1937 елда тәмамлаган, сугыштан соң укытучы булып эшләгән Гыйльметдин Гыйлаҗев белән очраштылар. Сугыш һәм хезмәт ветераны 91 яшьтә булуга карамастан, бүген дә гимназия, укучылар һәм укытучылар тормышы белән кызыксынып яши. Очрашуда ул үзенең мәктәптә укыган, укыткан елларын искә төшерде.