Амбарлар уракка әзерләнә

район хуҗалыкларының баш агрономнары белән уракка әзерлеккә багышланган семинар-киңәшмәдә соңгы вакытлардагы корылык нәтиҗәсендә урып-җыюның былтырга караганда ун-унбиш көнгә иртәрәк башланып китүе фаразлануы әйтелде. Семинар "Саба" җәмгыятенең Олы Кибәче филиалы амбарында башланды һәм Төбәк авылы янындагы басуда сугарып үстереләчәк күпьеллык үлән басуында төгәлләнде. Агрономнар белән бүгенге көндә амбарларны, ындыр табакларын чистарту, агарту, ашлык кабул итәргә әзерләү буенча алда торган иң тәҗел бурычлар турында эшлекле сөйләшү булды.