Изге Болгар җыенында Саба районыннан 40 кешелек делегация катнашты [+фото]

автор, 23 май 2017 - 12:52

824

Узган шимбәдә тарихи Болгар шәһәрендә узган Изге Болгар җыенына республикабыз, шулай ук Россиянең төрле төбәкләреннән һәм якын чит илләрдән килгән 40 меңгә якын мөселманнар җыелды.

Изге Болгар җыенында Саба районыннан 40 кешелек делегация катнашты [+фото]

Бабаларыбыз Ислам динен рәсми кабул иткән көнгә багышланган җыен быел 28нче мәртәбә үткәрелде. Җыенның тантаналы өлеше Болгар ислам академиясе каршында барды, аннан соң җәмигъ мәчет каршындагы мәйданда өйлә намазы укылды, догалар кылынды. Безнең Саба районыннан да изге сәфәрдә авыл имамнары, авыл җирлекләре башлыклары, район ветераннар оешмасы вәкилләре составында 40 кешелек делегация катнашты.