Саба районы көрәшчеләренә тиңнәр булмады [+фото]

автор, 30 март 2015 - 12:07

1490

27-29 март көннәрендә Мамадыш районы Түбән Ушма авылында мәктәп укучыларының республикакүләм Спартакиадасы кысаларында татарча көрәш ярышы үтте. Әлеге бәйгедә 13 командадан 115 көрәшче бил алышты.

Саба районы көрәшчеләренә тиңнәр булмады [+фото]

Гомум команда беренчелегендә Саба районы көрәшчеләренә тиңнәр булмады. Икенче урында - Актаныш, өченчедә Кукмара командасы.

Шәхси беренчелектә җиңүчеләр: Рафил Галиев (45 килограмм), Денис Муллахмәтов (50 килограмм), Эмиль Гыйниятуллин (55 килограмм), Рөстәм Ханов (60 килограмм), Айрат Сәлахов (65 килограмм), Алмаз Әүхәдиев (70 килограмм), Дамир Хөснетдинов (75 килограмм), Булат Кәримуллин (80 килограмм), Илзат Рәхимов (авыр үлчәү).