Түләү кәгазьләре нигә килми?

Ни өчен дигәндә, агымдагы елның 2 июненнән көченә кергән федераль закон нигезендә Федераль салым хезмәте сервисында "Шәхси кабинет" ачкан кешеләргә салым түләү кәгазьләрен яки башка документларны почта аша җибәрү туктатылды. Ягъни салымнар түләүгә кагылышлы кәгазьләрне электрон юл белән җибәрү гамәлгә ашырылачак. Ә түләү кәгазьләрен почта аша кәгазь вариантта алырга теләүчеләргә салым түләүченең "Шәхси кабинеты" аша агымдагы елның 1 сентябренә кадәр электрон имзалы хәбәр язып җибәрергә кирәк булачак.