Саба таңнары
  • Тат Лат
  • 2021 елда Россия югары уку йортларына керү өчен кирәкле минималь баллар билгеле булды

    Боерык проектын РФ Фән һәм югары белем министрлыгы бастырып чыгарган.

    Абитуриентларга 2021 елда югары уку йортларына керү өчен кирәкле минималь баллар билгеле булды. Шул хактагы боерык проектын РФ Фән һәм югары белем министрлыгы бастырып чыгарган. Бу хакта «Известия» газетасы хәбәр итә.

    «2021/2022 уку елында Россия Федерациясе Фән һәм югары белем министрлыгы карамагындагы белем бирү оешмаларында югары уку йортына кабул итү үткәрелә торган белгечлек яки әзерлек юнәлешенә тәңгәл килгән гомуми белем бирү предметлары буенча Бердәм дәүләт имтиханы балларының минималь күләме кушымта нигезендә билгеләнгән күрсәткечтән түбәнрәк булмаска тиеш», - диелә хокукый акт проектлары федераль порталында.

    Әйтик, 2021 елда абитуриентлар, Россия югары уку йортларына керү өчен, рус теле, әдәбияты һәм географиядән ким дигәндә – 40; математика, физика, биология һәм химиядән – 39; җәмгыять белеменнән – 45, тарихтан – 35, информатика һәм мәгълүмати-коммуникацион технологияләрдән – 44, чит телләрдән 30 балл җыярга тиеш. 

    Фото: vatantat.ru

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: