24 декабрьдән 2016 елның 10 гыйнварына кадәр “Игътибар, балалар!” акциясе

Балалар катнашындагы юл-транспорт травматизмын, юл һәлакәтләрен булдырмау максатында Татарстан Эчке эшләр министрлыгының ЮХИДИ хезмәте 2015 елның 24 декабреннән 2016 елның 10 гыйнварына кадәр "Игътибар, балалар!" акциясе үткәрә. Акция барышында ЮХИДИнең район бүлекчәсе хезмәткәрләре, мәгариф органнары белән берлектә, балалар катнашында юл-транспорт травматизмын профилактикалау комплекслы чаралары үткәрә. Алар мәктәпләрдә, балалар бакчаларында педагоглар, балалар белән очрашып, каникул көннәрендә балаларга юлларда үзләрен куркынычсыз тоту, тәүлекнең караңгы сәгатьләрендә яктылык кайтаргычлы киемнәр куллану хакында әңгәмәләр үткәрә. Бу чорда балаларны йөртүче транспорт чаралары тикшереләчәк, "Бала - төп пассажир" акциясе үткәреләчәк.