Агымдагы елда районыбызда 6 кеше суицид корбаны булган

Мәгълүм булганча, 10 сентябрь үз-үзеңә кул салуларны Бөтендөнья күләмендә кисәтү көне буларак билгеләп үтелә. Сәламәтлек саклау оешмасы чаң суга: планетабызда ел саен миллионга якын кеше үзенә каршы җинаять кыла, ягъни гомерен чикли. Суицид хәзер иң җитди глобаль проблемалардан санала. Россия Тикшерү комитетының Арча районара тикшерү бүлеге мәгълүматларына караганда, 2013 елда безнең районда 17 кеше үзенә кул салу омтылышы ясаган, шуның 11 очрагы үлемгә китергән. Агымдагы елда районыбызда 6 кеше суицид корбаны булды.