Андый-мондый хәл булса, Сабага Казаннан өч көн эчендә 100 меңнән артык кеше күчерелергә тиеш

Андый-мондый хәлләр була калса, Саба муниципаль районына Казан шәһәреннән өч көн эчендә 100 меңнән артык кеше күчерелергә тиеш. Бу зур масштаблы чара Россия Хөкүмәтенең "Халыкны, матди һәм мәдәни кыйммәтләрне куркынычсыз районнарга эвакуацияләү тәрбибе турында"гы Карары (22.04.2004, №303) нигезендә тормышка ашырыла. Күчерелгән халыкны торак, көнкүреш шартлары белән тәэмин итү авыл һәм шәһәр җирлекләренә йөкләнә. Узган атнада районыбызга җирле үзидарәләр җитәкчеләре белән халыкны эвакуацияләүне оештыруга кагылышлы килешүләр төзү өчен башкалада оешма-предприятиеләрнең гражданнар оборонасы буенча җаваплы вәкилләре эшләде.