Соңгы елларда бәйрәмнәрдә (чыгарылыш кичәләрендә, туйларда, туган көннәрдә, кичке сабантуйларда) һава фонарьлары җибәрү кулланышка керә башлады. Алар күк йөзендә, чыннан да, матур булып күренә, йолдызга охшап калып соклану тудыра. Әмма ачык ут җылыткан һавага күтәрелүче әлеге кәгазь конструкция күпмедер вакыттан соң җиргә төшә һәм сүнеп бетмәгән шәм коры салам-печәнгә туры...
Соңгы елларда бәйрәмнәрдә (чыгарылыш кичәләрендә, туйларда, туган көннәрдә, кичке сабантуйларда) һава фонарьлары җибәрү кулланышка керә башлады. Алар күк йөзендә, чыннан да, матур булып күренә, йолдызга охшап калып соклану тудыра. Әмма ачык ут җылыткан һавага күтәрелүче әлеге кәгазь конструкция күпмедер вакыттан соң җиргә төшә һәм сүнеп бетмәгән шәм коры салам-печәнгә туры килгәндә янгын чыгу куркынычы тудыра. Кайчак һава фонарьларының металл каркаслары электр тапшыру линияләренә, радиовышкаларга эләгеп кала, кыска ялганышларга, кыймәтле җиһазларның сафтан чыгуына китерә. Сүнеп өлгермәгән шәмнәрдән ялкын кабынып, зур мәйданнардагы урманнарны да юкка чыгарырга мөмкин. Татарстанда да һава фонарьларының тиз янучан материаллар өстенә төшүеннән килеп чыккан янгыннар байтак теркәлде. Шуңа күрә 27 февральдән Россиядә торак пунктлар эчендә һәм урманнар янында һава фонарьларын җибәрү катгый тыелганлыгын онытырга ярамый. Моның өчен күп илләрдә зур суммада штрафлар (250 мең сумга кадәр), хәтта җинаять җаваплылыгы да (4 елга кадәр иректән мәхрүм итү) каралган. Шуңа күрә уеннан уймак чыгармыйк. Сабантуйларны ут-күз бәла-казаларсыз үткәрик.
Без социаль челтәрләрдә: Инстаграм, ТикТок, Ютуб, ВКонтакте, Одноклассники, Телеграм, Фейсбук, Твиттер, Яндекс.Дзен
Иң мөһим һәм кызыклы язмаларны Татмедиа Telegram-каналында укыгыз
