Саба таңнары
  • Тат Рус Лат
  • Белгечләр В гепатитын дәвалауның яңа ысулын тапкан

    Яңалык вирусларны тулысынча бетерергә мөмкинлек бирә һәм кеше геномына тәэсир итми.

    Россия кулланучылар күзәтчелеге (Роспотребнадзор) В гепатитын дәвалауның геномлы редакцияләүгә нигезләнгән яңа ысулын тапкан. Бу хакта ведомство җитәкчесе Анна Попова сөйләде.

    «Роспотребнадзор эпидемиология фәнни-тикшеренү институты геном редакцияләре нигезендә хроник гепатитны тулысынча дәвалау өчен яңа алымнар эшләде. Ул вирус кисәкчекләренең 99 процентын юкка чыгарырга мөмкинлек бирә, ләкин шул ук вакытта кеше геномына тәэсир итми», — дип китерә Попова сүзләрен ведомство матбугат хезмәте.

    Анна Попова Роспотребнадзор институты беренче тапкыр илебезнең реагентлар җыелмасын сәламәтлек саклау практикасына кертте, диде. Алар В гепатиты, шулай ук ВИЧ вирусы мутациясе ныклыгын билгеләү өчен кулланыла.

    • Бөтендөнья сәламәтлек саклау оешмасы бәяләвенчә, дөньяда ел саен хроник гепатиттан 1 миллионнан артык кеше үлә.

    Фото: pixabay.com

    Чыганак: tatar-inform.tatar

    Нравится
    Поделиться:
    Реклама
    Комментарии (0)
    Осталось символов: