Бүгенге иртә Казанлылар өчен гадәти булмаган [+фото]

Бүген Казанда да беренче кар яуды. Синоптиклар, көн дәвамында буран чыгу ихтималы бар, дип тә кисәтә. Фаразларга ышансаң, буран вакытында бүген күз күреме 1 000 метрга кадәр кими.

Бүген республикада һава температурасы 3 градус җылыдан 2 градуска кадәр суык булачак. Казанда исә 2 градус җылы булыр, дип көтелә.

Бүген тизлеге секундына 15-20 метрга кадәр җитүче көчле җил, юеш кар яварга да мөмкин. Юлларда - бозлавык. ЮХИДи хезмәткәрләре җәйге машина тәгәрмәчләрен кышкысына алмаштырырга киңәш итә.

Интертат.ру