Бигәнәйдә тычкан бизгәген кисәтү буенча чара оештырылды

  Бигәнәй авылы фельдшер акушерлык пункты фельдшеры Ильмира Исмәгыйлева  авылдашлары өчен "Тычкан бизгәге  профилактикасы" дигән  тематик чара уздырды. Әлеге тема бүгенге көн өчен бик актуаль.Чөнки районыбызда  бу чир белән авыручылар саны артты, кызганычка каршы, үлем очраклары да булды. Әлеге очрашуның максаты да  катнашучыларга геморрагик бизгәкнең азып  китүен  профилактикалау, авыруның үзенчәлекләре, әлеге авыруны йоктыру юллары һәм аңа каршы көрәш чаралары турында мәгълүмат җиткерү; сәламәтлек саклау проблемасы турында күзаллауны киңәйтү иде. Чарага мәгълүмати ярдәм күрсәтү өчен   ГЛПСны  профилактикалау буенча "Игътибар! Тычкан бизгәге" дигән буклет та  әзерләнде.