“Ел хатын-кызы. Ел ир-аты: хатын-кыз карашы” республика конкурсыннан сабалылар зур җиңүләр белән кайтты

14 февральдә Кукмара районында "Ел хатын-кызы. Ел ир-аты: хатын-кыз карашы:" республика конкурсының зона сайлап алу турлары узды. Тугыз район конкурсантлары катнашкан әлеге бәйгедә Сәрдә авылыннан герой ана Нурия Гыйләҗетдинова "Хатын-кыз - ана", "Кибәче" җәмгыятеннән бозау караучы Гүзәлия Ибәтова "Язмышым - һөнәрем", Балалар сәнгать мәктәбеннән бию сыйныфы укытучысы Альбина Мөбарәкҗанова "Хатын-кыз - мәдәният һәм рухият", Олы Шыңар урта мәктәбе укытучысы Фәннур Галимов "Ир-егет - лидер" номинациясендә катнашты. Райондашларның һәркайсы матур чыгышларын тәкъдим итте. Нурия Гыйләҗетдинова, Альбина Мөбарәкҗанова, Фәннур Галимов - беренче, Гүзәлия Ибәтова икенче урынны яулады.