Электрон хезмәтләрдән файдалан һәм күп мәшәкатьләрдән котыл

Электрон хезмәтләрдән файдалану кеше­ләрне күп мәшәкатьләрдән коткара. Хәзер ЮХИДИнең район бүлекчәсе автомототранспорт чараларын теркәгәндә дә чират тору вакытын кыскартырга була. Моның өчен Россия Федерациясе дәүләт хезмәтләре порталында (www.gosuslugi.ru) алдан заявка генә бирергә кирәк. Электрон дәүләт хезмәтләрен популярлаштыру максатында күпфункцияле үзәкләрдә гражданнарны ЕСИА системасында теркәү мөмкинлеге тудырылды. ЕСИА теркәлгәннән соң бирелгән парольне Бердәм дәүләт хезмәтләре порталында транспорт чараларын исәпкә кую, автомобиль йөртү таныклыгын алу өчен гариза язганда файдаланырга була. Теркәлү өчен паспорт, СНИЛС һәм кесә телефоны булуы гына кирәк.