Гаебен таныды

  2024  елның 29 декабрь  кичендә Байлар Сабасының  Завод  урамында юл-патруль хезмәте инспекторы җиңел автомашинаны туктата. Йөртүче Б.И. Газизовның үз-үзен тотышы тотрыксыз була, теле көрмәкләнә.  Алкотестер приборы белән тикшерү узганда тест уңай нәтиҗә бирә: ул сулап  чыгарган  һавада 1,340 миллиграмм/литр күләмендә этил спирты булуы ачыклана. Бу исә рөхсәт ителгән нормадан (0,160) 8 тапкыр  күбрәк. Суд утырышында ул үз гаебен тулысынча таный. Җәза чарасы билгеләгәндә  Газизовның бер  үк  статья буенча икенче тапкыр административ  җаваплылыкка тартылуы да исәпкә алына. Ул суд карары нигезендә ел ярымга машина йөртү таныклыгыннан мәхрүм ителде, ә штрафны 30 мең сум күләмендә  түләп  калды. (Штрафларга үзгәрешләр 2025 елның 1 гыйнварыннан  кертелде). 

 Район юл хәрәкәте иминлеге  комиссиясе ярдәмендә әзерләнде.