Ике һәм аннан да күбрәк сыер асраучыларга саву аппаратлары алу өчен гаризалар 31 декабрьгә кадәр кабул ителә

Саба муниципаль районы башкарма комитеты җитәкчесе шәхси хуҗалыгында ике һәм аннан да күбрәк сыер асраучыларга саву аппаратлары алу өчен субсидия бирү тәртибен раслау турында карар (23.09.2013, №1198-п) кабул иткән һәм гаризалар кабул итүнең соңгы срогы итеп 2013 елның 1 декабре билгеләнгән иде. Шушы вакыт эчендә барысы 213 кеше субсидиягә гариза язды. Районда шәхси хуҗалыкларда кими барган сөт бирүче сыерларның санын саклап калу максатында саву аппаратлары алу өчен субсидияләр бирүгә гаризалар кабул итү 31 декабрьгә кадәр озайтылды. Бу хакта тулырак мәгълүмат алу өчен район финанс-бюджет палатасына (телефоны: 2-33-34) мөрәҗәгать итәргә кирәк.