Казан дөнья чемпионаты уздыру хокукыннан мәхрүм ителде

Җиңел атлетика федерацияләренең халыкара берләшмәсе Казанны 2016нчы елда юниорлар арасында дөнья чемпионаты уздыру хокукыннан мәхрүм итте. Дөньякүләм допингларга каршы агентлык (WADA) Мәскәүдәге допингка каршы лабораториядә алдашулар өчен 9нчы ноябрьдә Русия спортчыларын халыкара ярышлардан читләштерергә булды.

2016нчы елда Казанда юниорлар беренчелеге, Чабаксарда җиңел атлетикадан дөнья чемпионаты узарга тиеш иде. Русия спорт министры Виталий Мутко допинг җәнҗалы сәбәпле спортчыларны 2016нчы елда Рио-де-Жанейрода узачак Олимпия уеннарыннан читләштерергә мөмкиннәр, дип белдерде.

Безнең гәҗит