Казан шәһәре үзәгендәге мәет калкып чыккан

Казан шәһәре үзәгендәге Болак елгасында билгесез ир-атның мәете калкып чыккан. Мәетне полиция һәм МЧС хезмәткәрләре судан тартып чыгарган. Вафат булучының кием кесәләрендә бернинди документ та табылмаган, бары тик фатирының ачкычлары гына булган. Белгечләр әйтүенчә, ир чагыштырмача күптән түгел генә үлгән. Аның үлеменә кыйналу да сәбәпче булырга мөмкин, дип фаразлыйлар, чөнки шушы тирәдә яшәүчеләр сүзенчә, ир-атның мәете калкып чыккан урыннан ерак түгел генә төнлә белән кемнәрдер сугышкан булганнар.

Безнең гәҗит