Казанлылар балаларына исемне Месси хөрмәтенә кушканнар
Казанда балаларына исемне Месси хөрмәтенә кушканнар – Лионель. Искәртеп үтәргә кирәк, танылган спортчы узган атнада футбол буенча дөнья чемпионаты кысаларында Татарстан башкаласында булды.
Узган атнада кушылган башка сирәк исменәр арасында – Доминик, Галиябану, Анетта, Робия, Юлия, Альберт, Милан, Зиннур, Ильина. Атна дәвамында иң еш кушылган исемнәр: Артем, Аяз, Радмир, Тимур, Ясминә, Екатерина, Дарья, Дамир, Арсений, Мария.
Узган атнада Казанның Гражданнар хәле актларын теркәү бүлекләрендә 396 бала (232 малай һәм 164 кыз) тууы теркәлгән. Казанның иң яшь анасына 17 яшь булса, иң өлкәненә – 44. Иң яшь әтигә 18 яшь булса, иң өлкәненә – 49. Туган вакытта минималь һәм максималь бала авырлыгы күрсәткечләре - 1440 һәм 4560 грамм.
Шушы ук чорда Гражданнар хәле актларын теркәү бүлекләрендә 197 пар никахларын рәсмиләштергән. Иң яшь кияү белән кәләшкә 19 яшь булса, иң өлкәннәренә – 68 һәм 55 яшь, дип хәбәр итә Казанның Гражданнар хәле актларын теркәү идарәсе.
Фото: https://pixabay.com | flooy
Следите за самым важным и интересным в Telegram-каналеТатмедиа
Нет комментариев