Кояшта икенче тапкыр көчле “кабынып китү” күзәтелгән

Тикшеренүчеләр "кабыну" активлыгын иң югары дәрәҗә - биштән-Х дип бәяли.

(Казан, 8 сентябрь, «Татар-информ»). Бер тәүлек эчендә Кояшта икенче тапкыр көчле "кабынып китү" күзәтелгән. Әлеге күренешне Россия Фәннәр академиясенең Лебедев исемендәге Физика институтының Кояш рентген астрономиясе лабораториясе астрономнары кичә, 7 сентябрьдә, 18.00 сәгатьтә билгеләгән, дип яза "Известия".

Тикшеренүчеләр "кабыну" активлыгын иң югары дәрәҗә - биштән-Х дип бәяли.

Исегезгә төшерәбез, 6 сентябрьдә Кояшта соңгы 12 елда иң югары дәрәҗәдәге - X-9.3. дип билгеләнгән активлыктагы "кабынып китү" күзәтелде. Аның нәтиҗәсендә Европа һәм Америкада элемтәдә хилафлыклар килеп чыккан, "магнит давыллары" күзәтелгән.

http://tatar-inform.tatar