Лесхозда шорт-трек буенча Татарстан Республикасы Беренчелеге һәм Чемпионаты узды

Лесхозның "Нарат" спорткомплексында шорт-трек буенча Татарстан Республикасы Беренчелеге һәм Чемпионаты узды. Анда Татарстан шәһәрләре һәм районнарыннан (Казан, Яр Чаллы, Нурлат, Саба, Мамадыш, Кайбыч, Актаныш, Азнакай) барлыгы 50 спортчы катнашты. Нәтиҗәләргә килгәндә, 1000 метрлы дистанциядә 1996 елгы егетләр һәм алардан өлкәнрәкләр арасында райондашларыбыз Нияз Галимов - II, Булат Гыйльметдинов - III, 1997-1998 елгы кызлар һәм егетләр арасында Илүзә Маликова, Артем Демидов - III урынны, 500 метрлы дистанциядә 1996 елгылар һәм алардан өлкәнрәкләр арасында Нияз Галимов - II, Гүзәл Фәйзерахманова һәм Булат Гыйльметдинов, 1997-1998 елгылар арасында кызлардан Гөлдания Вәйесова, егетләрдән Артем Демидов - III урыннарны алдылар.