Миңнеханов Казанда иртәгә эш көнен кыскартырга тәкъдим итте

Татарстан Президенты Рөстәм Миңнеханов иртәгә, 6 июльдә, Казан предприятиеләре һәм оешмаларында эш сәгатен 14.00 сәгатькә кадәр кыскартырга тәкъдим итте. Бу хакта Татарстан лидеры сайтында хәбәр ителә.

Кыска эш көне булу Татарстан башкаласында Бразилия һәм Бельгия җыелмалары арасында Футбол буенча дөнья чемпионаты кысаларында чирек финал матчы булу белән бәйле.

Эш көнен кыскарту җәмәгать транспортында кеше агымын җиңеләйтүгә китерәчәк һәм шәһәр халкына, кунакларга уңайлыклар тудырачак, диелгән Татарстан Президенты матбугат хезмәте хәбәрендә.

• Бразилия — Бельгия футбол матчы 6 июльдә 21.00 сәгатьтә «Казан Арена» стадионында узачак.

Фото: архив/Салават Камалетдинов

https://tatar-inform.tatar