Мәк-киндер үскән урыннарны күрсәң, хокук саклау органнарына хәбәр ит

Татарстан Республикасында 27 майдан комплекслы "Мәк-2013" оператив-профилактик операциясе башланды. Аның беренче этабы 31 июльгә кадәр дәвам итәчәк. Максаты - кыргый рәвештә, шулай ук шәхси хуҗалыкларда мәк һәм киндер үскән урыннарны ачыклау, аларны юк итү, шулай ук чыгышы үләннән булган наркотикларның таралуына юл куймау, наркотик матдәләр әзерләүчеләрне, ташучыларны, сатучыларны фаш итү һәм җаваплылыкка тарту. Операциянең икенче этабы 12 августтан старт алачак.

Операция чорында гражданнарга бакчаларында нәрсә үскәнен карап-тикшереп торырга киңәш ителә. Мәк-киндер үскән урыннарга юлыгучыларга бухакта хокук саклау органнарына хәбәр итәргә кирәк.