Орлык сатып алыр вакыт

Орлык материалы сыйфатлы, бу өстәмә энергетик чыгымнарсыз (ашламалар, гербицидлар, пестицидлар) үсемлекләрнең ти­е­шенчә үсүен тәэмин итәргә, чүп үләннәрнең, авыруларның, корт­кычларның тискәре йогынтысын киметергә һәм шуның нигезендә культураның уңышын һәм алына торган продукциянең сыйфатын арттырырга, туфракның экологик торышын яхшыртырга булыша.
Чисталыгы югары  орлык материалы булу мөһим. Орлык сайлаганда игътибарлы булырга, пакетларның маркировкасын җентекләп өйрәнергә кирәк. Аларда җитештерүче фирманың исеме, үсемлекнең фотосы, рус һәм латин телләрендәге культура һәм сортның исеме, орлыкларның массасы, партия номеры күрсәтелергә тиеш.
ТУ, ГОСТ, ОСТ тамгалары булуга да игътибар итегез, әгәр алар булса, димәк, әлеге орлыклар лаборатория шартларында җентекләп тикшерелгән һәм стандартлар таләпләренә туры килә.
Орлыкларның яраклылык вакытына игътибар итегез. Ул күп факторларга: төргәкләүгә, саклау шартларына һәм культураның үзенә бәйле. Гади ялгыз төр­гәкләрдә орлыкларның 1 елга якын, капсулада һәм икеләтә төргәкләрдә шактый озаграк саклануын да исәпкә алыгыз.
Пакетланган орлыкларда чүп үләннәре табылса, Рос­сель­хоз­надзорның Татарстан Рес­публикасы буенча идарәсенә 88432776829 телефоны буенча мөрәҗәгать итәргә кирәк.
Мөдәррис Фәттахов,
Россельхознадзорның
Татарстан Республикасы буенча идарәсенең фитосанитария hәм орлык контроле бүлеге
дәүләт инспекторы.