Питрәчнең «Царево» торак комплексында 5 метр биеклектәге мамонт сыны барлыкка килде

«Царево» торак комплексына керү юлында 8 тонна авырлыктагы һәм 5 метр биеклектәге металлдан мамонт сыны урнаштырганнар. Шушы көннәрдә аны Тольяттидан алып кайтканнар, анда аны якынча бер ел әзерләгәннәр.

«Без мондый арт-объектны чит илдә күрдек һәм кабатларга булдык. Димәк, бу әлегә Россиядә шул рәвешле эшләнгән бердәнбер мамонт», — дип билгеләп үтә торак комплексының идарәче компаниясе җитәкчесе Айназ Гарифуллин.

Ул хәзер якындагы территорияне төзекләндерү дә планлаштырылганын әйтте. 

Фото: pestrecy-rt.ru

Чыганак: pestrecy-rt.ru