Путин Татарстанда федераль судьялар билгеләде

Россия Президенты Владимир Путин "Федераль судлар судьяларын билгеләү һәм Россия Федерациясе субъектлары судьяларының квалификацион коллегияләрендә Россия Федерациясе Президенты вәкилләре турында"гы Указны имзалаган.

Документ нигезендә, Татарстанда 6 еллык вәкаләтләр срогына Татарстанда Чаллы шәһәр суды рәисе урынбасары итеп Ленар Заһит улы Хасимов, Казанның Идел буе суды рәисе урынбасары итеп Рузилә Мәхмүт кызы Миңнегалиева билгеләнгән.

Шулай ук Татарстан Югары суды судьялары Гөлнара Әсхат кызы Абдуллина, Биектау район суды судьясы Илшат Илгизәр улы Төхвәтуллин, Тукай районы суды судьясы Ралиф Рафис улы Гайфуллин да билгеләнгән.

Татар-информ