Путин яшь буынга дини китаплар, шул исәптән Коръән укырга киңәш итте
"Бөтен дөнья диннәрендә гуманистик башлангычлар салынган, без бу кагыйдәләргә буйсынсак, дөнья яхшырак, тынычрак булачак", – дип аңлатты ул.
Россия Президенты Владимир Путин яшь буынга Коръән, Инҗил һәм Тәүрат укырга киңәш итте, дип яза "Интерфакс"ка сылтама белән ТР Диния нәзарәтенең матбугат хезмәте.
"Интерфакс" агентлыгы хәбәр иткәнчә, халыкара мәгълүмат агентлыклары җитәкчеләре белән очрашуда катнашучыларның берсе Президенттан, дөнья лидеры буларак, балаларга үсеп җиткәнче укырга киңәш ителгән нинди дә булса китапны атауны сорады.
"Инҗил укысыннар. Һәрхәлдә, бу файдага гына булачак. Тәүрат, Коръән укысыннар. Болар барысы да малайларга да, кызларга да файдалы булачак", - дип җавап бирде Президент.
"Бөтен дөнья диннәрендә гуманистик башлангычлар салынган, һәм әгәр без бу кагыйдәләргә буйсынсак, дөнья яхшырак, тынычрак һәм тотрыклырак булачак", – дип аңлатты ул.
Фото: архив/Ильнар Тухбатов/Татар-информ
Следите за самым важным и интересным в Telegram-каналеТатмедиа
Нет комментариев