Рафис Борһанов Татарстан мәгариф һәм фән министры вазифасыннан китте

Рафис Борһанов Татарстан мәгариф һәм фән министрлы вазифасыннан китте. Бу мәгълүматны Татарстан Мәгариф һәм фән министрлыгында расладылар.

«Рафис Борһанов отставкага китте», — дип хәбәр иттеләр ведомствода.

Рафис Борһанов 2017 елның 4 декабреннән республика вице-премьеры — мәгариф һәм фән министры булып эшли башлады. 2014-2017 елларда ул Татарстан Дәүләт Советының икътисад, инвестиция һәм эшмәкәрлек комитеты рәисе булып эшләде. 2010-2014 елларда Татарстан Яшьләр эшләре, спорт һәм туризм министрлыгын җитәкләде. 

Фото: архив/Владимир Васильев

Чыганак: tatar-inform.tatar