Россия Хезмәт министрлыгы: 2019 елда хезмәт хаклары 6,1 процентка артачак

2019 елда хезмәт хакы 6,1 процентка артачак. Россия хезмәт һәм социаль яклау министры урынбасары Любовь Ельцова шул хакта әйткән. Бу турыда ТАСС агентлыгы хәбәр итте.

«Киләсе елда хезмәт хакы 6,1 процентка артачак, 2019 елда номиналь хезмәт хакы үсеше планлаштырыла, 2020 елда - 5,4% һәм 2021 елда – 6,6%», — диде Ельцова.

Аның сүзләренчә, Путинның 2012 елгы май указына кермәгән хезмәткәрләрнең хезмәт хаклары киләсе елның 1 октябреннән индексацияләнә. 2020 елда индексация 3,8%, ә 2021 елда 4% тәшкил итәчәк.

Фото: https://pixabay.com | mohamed_hassan

https://tatar-inform.tatar