Россиядә ипотека облигацияләренең яңа төре барлыкка килергә мөмкин

Яңа облигация кредит белән тәэмин ителгән, өлешләп төзүдә катнашу килешүе аңа ышаныч язуы (залог) булачак.

(Казан, 5 сентябрь, «Татар-информ»). Россиядә ипотека облигацияләренең яңа төре барлыкка килергә мөмкин, дип яза «Известия».

Ипотека буенча торак кредиты агентлыгында закон проекты эшләү белән шөгыльләнәләр. Аның нигезендә кредит белән тәэмин ителгән яңа төр облигация барлыкка киләчәк. Әлеге облигациягә ышаныч язуы (залог) булып өлешләп төзүдә катнашу килешүе торачак, дип билгеләп үтелә хәбәрдә.

Төзелеп бетмәгән йортка ипотека ышанычлырак һәм түләү дә сыйфатлырак, дип ачыклык кертәләр ведомствода.

http://tatar-inform.tatar