Россиядә телефон аша реклама таратуның яңа ысулын уйлап тапканнар

Шунысы кызык: әлеге төр спам канунга каршы килми, ди.

(Казан, 16 август, "Татар-информ"). Россиядә спам - теләк белдермәгән кешеләргә реклама яки коммерция юнәлешендәге башка төр хәбәрләрне юллауның яңа ысулын уйлап тапканнар. Һә ул илдә көннән-көн киңрәк кулланыла бара икән. Бу хакта "Известия" хәбәр итә.

Система автоматлаштырылган: ул телефон номерын җыя һәм бер тапкыр шалтырау белән элемтә өзелә. Абонентның кәрәзле телефоны экранында таныш булмаган номердан алынмый калган чакыру пәйда булачак. Әгәр дә телефон хуҗасы әлеге номер буенча шалтыратса, җавапка реклама хәбәре ишетәчәк.