Сабада апрель аенда озак вакытлы яңгырлар көтелә

Журналистлар өчен уздырылган киңәшмәдә премьер-министр урынбасары уҗымнар өчен кышның уңай килүен, моның үз чиратында киләсе ел уңышына ышанычлы нигез булуын хәбәр итте. Өстәвенә синоптиклар апрель аенда озак вакытлы яңгырлар да вәгъдә итә. Шуңа бәйле рәвештә язгы чәчү эшләрен дым бар чакта, вакытны дөрес файдаланып, технологияләрне төгәл үтәп башкарган очракта уңышка ирешү мөмкинлеге зур икәнлеге дә билгеләп үтелде.