Сабада былтыр бу чорда 198 бала туган булса, быел 199 сабый дөньяга килгән

Районыбызда гаиләне планлаштыруда гаҗәп тотрыклы картина күзәтелә. Әйтик, былтыр гыйнвар-июнь айларында 198 бала туган булса, быел, район ЗАГС бүлегеннән алынган мәгълүматларга караганда, шушы чорда 199 сабый дөньяга килгән. Дөрес, демография вәзгыятенең калган күрсәткечләрендә уңай булмаган якка аерма сизелә. 2012 елның беренче яртысында районыбызда 120 пар гаилә корган булса, быел 109 гына. Шул ук вакытта таркалган гаиләләр саны арту ягына үзгәргән. Ел башыннан 31 гаилә таркалган (былтыр бу чорда - 22). Әмма бу бер дә куанычлы күренеш түгел. Мисалга, Әтнә районында быел аерылышкан парлар 12 генә булган.