Сабада кишер, бәрәңге, кәбестә һәм суган бәяләре узган атнада да үсешен дәвам итте

Кишернең килограммы өчен, мәсәлән, хәзер сатып алучыга уртача 22 сум 69 тиен, бәрәңге өчен -16 сум 35 тиен, кәбестә өчен -16 сум 84 тиен, суганның килограммы өчен уртача 17 сум 97 тиен түләргә туры килә. 1 сортлы бодай оныннан пешерелгән ипи тагын 5,8 процентка, арыш-бодай оны кушып пешерелгәне 2,1 процентка кыйммәтләнде. Моннан тыш, йомырка, шикәр комы, стерильләштерелгән сөт, каймак, туңдырылган балык бәясе дә беркадәр күтәрелде. Мәсәлән, йомырканың дистәсе хәзер уртача 41 сум 55 тиен, шикәр комының килосы - 29 сум 35 тиен тора.
Шул ук вакытта сырлар, көнбагыш мае һәм тавык ите бәясе 0,2-0,6 процентка төшкән. Көнбагыш маеның литры уртача 71 сум 6 тиеннән сатыла.

ТатарИнформ.