Сабалылар "Мы все можем" конкурсында лауреат булдылар

Яр Чаллы шәһәренең "Детский орден милосердия" белән бүләкләнгән балалар һәм яшьләр иҗат сараенда мөмкинлеге чикләнгән балаларның "Мы все можем" дип исемләнгән музыка һәм сәнгать VI республика конкурсы үткәрелде. Конкурста парлы бию белән Инсаф Шәрәфиев һәм Айсылу Шәфигуллина (җитәкчеләре Әлфия Шәйдуллина) катнашып, I дәрәҗә лауреат дипломына лаек булдылар. "Каз канаты" балалар фольклор коллективы I республика балалар фольклор конкурсында җиңү яулады һәм 30 мартта Кукмарада "Звонкая капель" исеме астында узган Татарстанда яшәүче халыкларның балалар фольклор фестивалендә Диплом белән бүләкләнде. Аларга мәдәният агарту буенча әйдәп баручы методист М.Кәримов та ярдәм күрсәтте.