«СалаваТік» Барсик катнашында «Ак Барс» хоккейчылары уенын хуплап клип яздырган

автор, 5 апрель 2021 - 08:33

585

Балалар хайваннар костюмнарында «Ак Барс чемпион» күңелле биюен башкара.

«СалаваТік» балалар видеопроекты «Ак Барс» хоккейчылары уенын хуплап, Барсик катнашында трек һәм клип яздырган.

Хайваннар костюмнарында биш бала «Ак Барс чемпион» күңелле биюен башкара. Барсик алар белән бергә бии, әмма аларның һәр хәрәкәтен кабатлап өлгерә алмый.

Яшь блогерларның YouTube-каналында инде биш җыры тупланган, аларны 30 мең кеше караган.

YouTube-каналыннан тыш, «СалаваТік» роликлары Instagram @tatmedia_junior аккаунтында басыла.

«СалаваТік» проекты Татарстан Президенты каршындагы Татар телен саклау һәм үстерү комиссиясе ярдәмендә тормышка ашырыла. Проектның төп максаты — өлкән һәм урта буынга таныш балалар җырларын заманча кызыклы форматка салу һәм аларны яңа буынга җиткерү.

Проектта кечкенә артистлар — Г. Тукай исемендәге Татар дәүләт филармониясе балалар студиясендә шөгыльләнүчеләр катнаша.