Сәүдәгәрләр ешрак эшсез кала

30 декабрь - 12 гыйнвар аралыгында эшсез дип танылганнар арасында күмәртәләп һәм берәмләп сәүдә итү тармагы хезмәткәрләре күбрәк очрый - 87 кеше.

Эшкәртү-җитештерү тармагыннан бу юлы 84 кеше кеше эштән киткән. Бу хакта ТР Хезмәт, халыкны эш белән тәэмин итү һәм социаль яклау министрлыгы күзәтүләре сөйли.

Эштән китү очраклары икътисадый эшчәнлекнең башка төрләрендә дә очрый: төзелеш өлкәсеннән - 51 кеше, транспорт һәм элемтә - 29, коммуналь хезмәтләр күрсәтү - 29, финанс эшчәнлек - 25, мәгариф - 20, күчемсез милек белән операцияләр - 20, сәламәтлек саклау - 11, хәрби иминлекне тәэмин итү һәм дәүләт идарәсе - 4, авыл хуҗалыгы - 3, файдалы казылмалар чыгару - 5, кунакханә һәм ресторан бизнесы - 8, газ, су, электр энергиясе җитештерү һәм бүлү өлкәсеннән - 4 кеше эштән киткән.

Интертат.ру