Саба таңнары
  • Тат Лат
    • Яңалыклар

    Сәләтле балалар мәктәбе коллективы кышкы урманга сәяхәт кылды

    автор, 9 гыйнвар 2014 - 04:03
    394
    0
    0

    Каникул чорында укучыларның һәм укытучыларның ялларын тагын да кызыклы һәм файдалы итү максатыннан, сәләтле балалар мәктәбе коллективы кышкы урманга сәяхәт кылырга уйладык. 4 гыйнвар көнне, суыктан һәм юл йөрүдән курыкмаучылар мәктәп янына җыйналып, чаңгыларны киеп, юлга кузгалдык. Ап-ак карга төренгән басу-кырлар аша чаңгыда йөрүнең рәхәтлеген аңлатырдай сүзләр дә таба алмыйм....

    Каникул чорында укучыларның һәм укытучыларның ялларын тагын да кызыклы һәм файдалы итү максатыннан, сәләтле балалар мәктәбе коллективы кышкы урманга сәяхәт кылырга уйладык. 4 гыйнвар көнне, суыктан һәм юл йөрүдән курыкмаучылар мәктәп янына җыйналып, чаңгыларны киеп, юлга кузгалдык. Ап-ак карга төренгән басу-кырлар аша чаңгыда йөрүнең рәхәтлеген аңлатырдай сүзләр дә таба алмыйм. Бер озын колонна булып тезелеп, рәхәтләнеп чаңгыда җилдердек без, хәтта биш-алты чакрым юл йөрү сизелмәде дә. Ә урман аланында безне кайнар үлән чәйләре һәм парлары күтәрелеп торган бәлеш көткән. Бер кат чәйләп алганнан соң, укытучылар һәм укучылар командалары арасында мини-футбол буенча турнир да үткәреп алдык. Безнең кайнарлыктан куркып, хәтта көн дә җылытып җибәрде.

    Ул арада казанда пилмәннәр дә пешеп чыкты. Безне шундый тәмле ризыклар, кайнар үлән чәйләре белән сыйлаучы әти-әниләр комитеты әгъзалары Илнур Зиннуров, Марат Шәрәфетдинов, Марат Гарипов, Данис Гаптерахманов, Ришат Билаловларга рәхмәтләребезне әйтеп, учак тирәли утырышып, пилмәннәр белән сыйландык. Ә аның тәме... телеңне йотарлык иде.

    Гомумән, безнең бу ялыбызның һәр мизгеле кабатланмас, күңелле, файдалы һәм истә калырлык булды. Без - чыгарылыш сыйныф укучылары өчен бу бәйрәм мәктәп елларының иң матур мизгеле булып хәтерләрдә озак сакланыр, мөгаен.

    Әлеге сәяхәтнең төп инициаторы булган мәктәп директоры Ләйсән Билаловага шундый гаҗәеп ял оештырганы өчен зур рәхмәтләребезне җиткерәбез һәм мондый чара безнең мәктәбебезнең күркәм бер традициясенә әйләнсен һәм дәвамлы булсын иде дигән теләктә калабыз.

    Алинә Вәлиева,

    сәләтле балалар мәктәбенең 11 сыйныф укучысы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Саба таңнары. Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Саба таннары (Сабинские зори)
    № свидетельства о регистрации СМИ, дата: Эл №ФС77-47631 от 06.12.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Исмагилов Рустем Габдерауфович
    Адрес редакции: 422060, п.г.т. Богатые Сабы, ул. Тукая, д. 95
    Телефон редакции: (84362) 2-30-58
    Электронная почта: saba-tannary@tatmedia.com
    Почта филиала для сообщений о фактах коррупции: saba-tannary@tatmedia.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    12+