Сораштыру: Татарстан Республикасында яшәүче һәр өченче кеше фермерлардан айга бер тапкыр азык-төлек сатып ала

Һәр өченче шәһәр кешесе (35,1%) айга бер тапкыр булса да авыл хуҗалыгында эшләүче фермерлардан яки танышлардан азык-төлек сатып алуын белдерә. Бу хакта "ПромРейтинг" тикшеренү агентлыгы Татарстан шәһәрләре халкы белән 100 меңнән артык кеше арасында җирле фермер продукциясен сатып алу һәм куллану белән бәйле аспектларны кабул итү темасы буенча уздырган сораштыру нәтиҗәләрендә әйтелә.

Эш Татарстан Республикасы Авыл хуҗалыгы һәм азык-төлек министрлыгы белән берлектә алып барылды. Татарстан халкының 44%ы фермер продукциясе - зур булмаган крестьян хуҗалыкларында җитештерелгән азык-төлек продуктлары, дип саный. Татарстанның эре шәһәрләрендә яшәүчеләр «фермер продукциясе» сүзтезмәсен табигыйлеге, экологик чисталыгы һәм химия булмавы белән бәялиләр.

Татарстаннан сораштырылган халыкның 80%тан артыгы (81,3%) фермер продукциясенә уңай карый, аның төп таләпләре - сафлык, натуральлек һәм тәм.

Татарстанның эре шәһәрләрендә яшәүчеләр өчен фермер товарларын куллануда төп киртәләргә транспорт-логистик кыенлыклар, сату нокталарында конкрет товарлар булмау, челтәр кибетләренә караганда продуктларның югары бәясе керә.

Татарстанның эре шәһәрләрендә яшәүчеләр арасында фермерлык продукциясенең иң киң кулланыла торган төрләре - сөт, ит продуктлары һәм йомырка.

Казанда яшәүчеләр Татарстанның башка эре шәһәрләрендә яшәүчеләргә караганда, фермер продуктларына сайланыбрак һәм начаррак карый.

Чыганак: tatar-inform.ru