"Спайс" кулланып аңын югалткан

Чаллы шәһәрендә 19 яшьлек Альберт Җиһаншинның югалуы турында хәбәр иткән идек. Кызганыч, егетнең үле гәүдәсен тапканнар.Егетне берничә көн дәвамында эзләделәр. Бүген көндез, ниһаять, мәетенә юлыктылар. Альберт 7 гыйнварда "спайс" куллану аркасында аңсызланып егыла һәм туңып үлә. Шул көннән бирле ул кар өстендә яткан.

Альбертның дустын иртәрәк - 8 гыйнварда ук табып алдылар. Шулай ук "спайс" куллану аркасында өшегән егетнең хастаханәгә китерелүе турында язган идек.

- Әлеге егет вакыйганың ничек булганлыгын сөйләде, - ди хокук сагындагылар. - "Спайс" кулланганнар һәм аңын югалткан. Хастаханәгә китергәнче шул хәлдә яткан.

Тикшерү эше дәвам итә.

Интертат ру