Су коенганда 9 яшьлек бала батып үлгән

автор, 15 июль 2016 - 17:58

637

Фаҗига кичә, 14 июльдә, Тукай районы Калинино авылында булган. Авыл буасында су коенганда 9 яшьлек малай батып үлгән. Бу хакта малайның әнисе 13.03 сәгатьтә "112" телефонына шалтыратып хәбәр иткән. - Малай, өлкәннәр күзәтүеннән башка гына, иптәшләре белән су коенган булган. Ул урында чишмәләр бар, буаның төбендә ләм. Малай ләмгә бата...

Фаҗига кичә, 14 июльдә, Тукай районы Калинино авылында булган. Авыл буасында су коенганда 9 яшьлек малай батып үлгән.

Бу хакта малайның әнисе 13.03 сәгатьтә "112" телефонына шалтыратып хәбәр иткән.

- Малай, өлкәннәр күзәтүеннән башка гына, иптәшләре белән су коенган булган. Ул урында чишмәләр бар, буаның төбендә ләм. Малай ләмгә бата һәм, каушап, чәбәләнә башлаган. Башка балалар өлкәннәрне ярдәмгә чакырырга йөгергән. Тиз арада килеп җиткән ир-атлар малайны эзләгән, ләкин буаның суын җибәргәч кенә аны таба алганнар. Әмма инде соң булган, - дип сөйләгән агентлыкка Гадәттән тыш хәлләр һәм гражданнар оборонасы мәгълүмат үзәге хезмәткәре.

Быел Татарстанда су коены сезоны башланганнан -1 июньнән соң 16 яшькә җитмәгән 7 бала батып үлгән.

Рәмис Латыйпов
Чыганак:tatar-infor

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен