Татарстан аграрийларына язгы кыр эшләре өчен 3,5 млрд сум субсидия бирелгән

Татарстан аграрийлары өчен бюджетта каралган ярдәмнең дүрттән бер өлеше язгы кыр эшләренә бирелгән, ул 3,5 млрд сумны тәшкил итә.

«Агымдагы елга дәүләт ярдәме 12,6 млрд сумны тәшкил итә. Шул исәптән 3,8 млрд сум федераль бюджеттан, 8,8 млрд сум республиканыкыннан», — дип сөйләде ТР Министрлар кабинетында узган брифингта авыл хуҗалыгы һәм азык-төлек министры Марат Җәббаров.

Аның сүзләренчә, узган ел белән чагыштырган чәчү мәйданнары үзгәрмәгән, ул 2,8 млн гектарны тәшкил итә. 

Фото: Салават Камалетдинов

Чыганак: tatar-inform.tatar