Татарстан шәхси хуҗалыкларына 5 млн баш яшь тавык сатачак

Быелгы җәйге сезонда Татарстан шәхси хуҗалыкларына 5 млн баш яшь тавык сатачак. Узган ел 1 миллионга азрак иде. Бу хакта "Татар-информ" агентлыгы хәбәрчесенә «Татптицепром» ҖЧҖ генераль директоры Марс Алиев белдерде.

Бу көннәрдә шәхси хуҗалыкларга 120 көнлек яшь тавыклар сатыла. Якынча тагын бер атнадан алар йомырка сала башлый. Гомумән, авыл хезмәтчәннәре 1,5 млн яшь тавык алып, үзләрен йомырка һәм тавык ите белән тулысынча тәэмин итә ала.

Моннан тыш, тиздән Татарстан инкубатор станцияләре авылда яшәүчеләргә бройлер чебиләре, каз һәм үрдәк бәбкәләре сата башлый.

Татар-информ