Татарстанда 40 меңнән артык сабый балалар бакчасына урнашмаган

Россия кулланучылар хокукын яклау буенча күзәтчелек хезмәтенең Татарстан буенча идарәсе мәгълүматларына караганда Татарстанда 40665 сабый балалар бакчасына урнашмаган.

Бу - республиканың 7 яшькә кадәрге балаларның 11,9 %ы дигән сүз. Идарә тармагы күзәтүендә барлыгы 2012 мәктәпкәчә тәрбия бирү оешмасы бар икән. Аларга 203 262 бала йөри. Быелның апреленнән балалар бакчасына урнашмаган 3-7 яшьлек балалар саны 7108дән 2402 генә калган.

Быел Татарстанда 10 180 урынга исәпләнгән 73 балалар бакчасын төзеп тапшыру планлаштырыла. Бу көнгә аларны 40ы кулланылышка тапшырылды да инде.

Интертат.ру