Татарстанның Республика клиник хастаханәсе баш табибы Рафаэль Шәвәлиев Россия сәламәтлек саклау министрлыгы Департаментына эшкә күчә

  Татарстанның Республика клиник хастаханәсе баш табибы Шәвәлиев Россия Сәламәтлек саклау министрлыгы Департаментына эшкә күчә."Россия Сәламәтлек саклау министры Михаил Альбертович Мурашко Татарстанның Республика клиник хастаханәсе баш табибы Рафаэль Фирнаялович Шәвәлиевны Россия Сәламәтлек саклау министрлыгының балаларга медицина ярдәме, бала табуда ярдәм итү һәм җәмәгать сәламәтлеге департаменты директоры вазыйфасына чакырды. Зур ышаныч күрсәтелде һәм җитәкчебез алдына җитди бурычлар куелды. Алда Россия Сәламәтлек саклау тармагында  эш күп",-дип сөйләделәр матбугат хезмәтендә.

   Рафаэль Шәвәлиев ТАССРның Актаныш районы Пучы авылында туа. 1997 елда Казан дәүләт медицина университетын, 2002 елда ординатураны тәмамлый. 1997 елдан ул КДМАның гомуми һәм ашыгыч хирургия кафедрасында табиб-интерн булып эшли. 1998 елдан – Менделеевск үзәк район хастаханәсендә табиб-хирург, 2000 елдан 2007 елга кадәр «онкология» белгечлеге буенча ординатураны тәмамлаганнан соң ул Казанның «Горонкодиспансер»да   табиб-онколог булып эшли. 2007 елдан 2009 елга кадәр-идарәче, 2007 елдан 2009 елга кадәр-ТР Сәламәтлек саклау министрлыгының эшләр идарәчесе. 2009 елдан-Казандагы сугыш ветераннары өчен госпитальнең баш табибы, 2010 елдан республика балалар клиник хастаханәсен җитәкли. 2018 елның апреленнән-Татарстанның Республика клиник хастаханәсе баш табибы.