Төбәк авылында узган Яңа ел кичәсе (фоторепортаж)

"Декабрь башында авылда һәм читтә яшәүче авылдашлар өчен конкурс игълан иткән идек. Бәйгенең төп максаты - яңа елга багышланган шигырь иҗат итү, йортны бизәү һәм башкалар. Яңа ел якынлашканда нәтиҗәләр дә ясадык. Иң матур бизәлгән өйгә Ленин урамында яшәүче Фәнис Мәрдәновлар һәм Роза Исмәгыйлеваларның өе лаек булды. Рәшидә Гобәева, Әдилә Матзянова, Тимур Ханафиев, Гүзәлия Ибәтовалар үзләре иҗат иткән шигырьләре авылыбызда талантларның күп булуын күрсәтте. Тимур Ханафиев һәм Әдилә Матзянова иң матур рәсем ясаучылар дип табылды. Иң матур котлауны Роза Матзянова гаиләсенә Казан шәһәреннән кызы һәм кияве җибәргән иде, - дип хәбәр итә Төбәк авылы клуб мөдире Гөлфирә Хәдиуллина.