Түбән Өчнарат авылында яшәүче алдынгы механизатор Рәис Шакировны ел әйләнә кырда, кышын комплекста очратырга мөмкин. "Мөхәммәтшин" крестьян-фермер хуҗалыгының алдынгы механизаторы ул. Җәмәгате Эльмира ханым белән ике ул, бер кыз үстереп, тыныч кына гомер итәләр. Чып-чынлап авыл тормышы кайный үзләрендә. Капкаларын ачуга ләң-ләң килеп Тузик килеп чыга. Мал абзарында дистәләп эре...
Түбән Өчнарат авылында яшәүче алдынгы механизатор Рәис Шакировны ел әйләнә кырда, кышын комплекста очратырга мөмкин. "Мөхәммәтшин" крестьян-фермер хуҗалыгының алдынгы механизаторы ул. Җәмәгате Эльмира ханым белән ике ул, бер кыз үстереп, тыныч кына гомер итәләр. Чып-чынлап авыл тормышы кайный үзләрендә.
Капкаларын ачуга ләң-ләң килеп Тузик килеп чыга. Мал абзарында дистәләп эре мал күши. Хуҗаларының тырышлыгы, чиста-пөхтәлегеннәндәдер, каралты-кура барысы да ялт иткән. Бу сөтбикәләр биргән сөт ничек чиста булмасын инде.
- Сөтне иң күп бирүчесе - Карлыгач. 30-35 литрга да җитә кайчакта. Биш сыерга ике көнгә 97-100 литр чамасы сөт тапшырабыз. Сөтне авылдашыбыз Дамир Абдуллин җыя. Узган айга 18 сум 50 тиеннән исәп-хисап ясады, - ди Эльмира ханым.
Төгәлрәк әйтсәк алты баш савым сыеры бар, шуларның берсе "бәби" көтә. Калганнары бозаулар. Егерме ел элек Татар Икшермәсеннән Өчнаратка күченеп яши башлаган Шакировлар элек-электән сыер малын икедән дә ким асрамыйлар икән. Тырышып, күмәкләшеп хезмәт куйгач, мәшакате сизелми, диләр.
(Язманың дәвамын "Саба таңнары"ннан укый аласыз).
Зәмирә Сәмигуллина.
Нурхан Дәүләтов фотосы.
Нет комментариев