Теләче юлында пошины бәрдереп качкан машина йөртүче тотылды һәм җәзасын алды

30 сентябрьдә Арча районында һәлакәт урынын калдырып качкан машина йөртүчегә карата хөкем карары чыгарылды.

Ул РФ Административ хокук бозу кодексының 12.27 нче маддәсе 2 нче бүлеге (үзе катнашкан һәлакәт урынын калдырып китү) нигезендә гаепле, дип табылды һәм 1 елга машина йөртү хокукыннан мәхрүм итү турындагы административ җәза билгеләнде. Моңа машина йөртүченең 18 сентябрьдә һәлакәт урынын ташлап китүе сәбәпче булды: аның юлда поши бәрдерүе ачыкланды. Моннан тыш табигатькә килгән зыян 40 мең сум, дип бәяләнде.

Интертат.ру