Вьетнам базары янындагы складта янгын чыгуның сәбәбе – электр техникасы төзексезлеге

Янгын сүндерүчеләр Вьетнам базары янындагы складта янгын чыгуның берничә сәбәбен карый, әмма төп сәбәп электр техникасы төзексезлеге дип фаразлана. Бу хакта бүген Россия Гадәттән тыш хәлләр министрлыгының ТР буенча Баш идарәсе башлыгының күзәтчелек эшчәнлеге буенча урынбасары Сергей Сергеев белдерде.

"Янгын шаһитлары сүзләренчә, бинага керү урынында урнаштырылган электр счетчигында кыска ялганыш чыгу нәтиҗәсендә ут бик тиз таралган", - диде ул.

Янгын картиналар һәм сувенирлар складында чыккан, дип белдерде һәлакәт урынында С.Сергеев.

«Татар-информ», Юлия Ревина